Гайхамшигт ертөнц
Пьер Огюст Ренуар
Францад импрессионизмыг үүсгэгчдийн нэг Ренуар гэрэл гэгээ цацруулж баяр баясгаланг мэдрүүлсэн зургуудаараа XIX зууны Францын зураачдаас эрс ялгардаг. Ренуар харж байгаа зүйлээ яг тэр чигээр нь тухайлбал, байгалийн өнгөт сүүдрийг гаргахыг эрмэлзэж байв. Нарны хурц гэрэл байгалийн түмэн зүйлийг өчүүхэн төдий өө сэвгүй харагдуулдаг чанарыг тэрээр уран бүтээлийнхээ зарчим болгожээ.
Пьер Огюст Ренуар 1878, “Хатагтай Шарпантье” Метрополитан музей, Нью-Йорк
“Хатагтай Шарпантье”- ухаалаг, боловсролтой эмэгтэй хэзээний зуруулж дадсан хүн шиг тайван сууна. Хээнцэр хувцастай бяцхан охид нь яг л хүүхэлдэй шиг харагдахын дээр дур булаам байдалтай., хүүхдийн гэнэн зан илтэд анзаарагдана.
Пьер Огюст Ренуар, “Мулен де ла Галетт”
Монмартр уулын орой дээрх хуучин тээрмийг засч янзлан урлагийнхны цугладаг цэнгээний газар болгожээ. Тэнд цугласан дотны нөхдөө моддын навчсыг нэвт гийгүүлэх нарны замхарсан туяанд уран дүрсэлсэн “Мулен де ла Галетт” зураг XIX зууны сайн бүтээлүүдийн тоонд ордог. Энэ алдартай зургийн худалдан авагч нь тодорхойгүй бөгөөд Швейцарт байдаг гэсэн таамаглал л байдаг.
Пьер Огюст Ренуар, 1886 он, “Хүүгээ хөхүүлж буй эх”
Ренуар том хүүгээ хөхүүлж байгаа эхнэрээ зурахдаа өнгийг нэлээд хязгаарлан нарийн зурааснуудад анхаарлаа хандуулжээ. Зураач бүх юм дугариг байх ёстой хэмээн, залуу охид хүүхдүүдийг голдуу булцгар байдалтайгаар дүрсэлдэг байсан нь түүний эхнэрийн булцгар хацартай холбоотой байх талтай.
Пьер Огюст Ренуар , “Усанд орж буй эмэгтэйчүүд”
Залуу бүсгүйчүүд их л баяр хөөртэйгээр усанд орцгоон цөөрөмд тоглож байгааг үзүүлсэн “Усанд орж буй эмэгтэйчүүд” зургаа 1887 онд зуржээ.
Пьер Огюст Ренуар 1867, “Диана”
Түүний зургууд тухайн үедээ хамгийн эрч хүчтэй нь байсан ч Ренуарын 14 жилийн турш урласан гал цогтой, амьд мэт харагддаг “Диана” зургийг тухайн үед үзэсгэлэнгийн комисс хүлээж аваагүй гэдэг.
Бэлтгэсэн Д.Наран
гого.мн
